Tankeveven


Kva ventar me på?
september 28, 2010, 08:26
Filed under: Resten

Eg skreiv mi hittil dårlegaste oppgåve i går, og er svært glad eg eigentleg er ferdig å vere student. Eg hadde tenkte å bruke dette sitatet i oppgåva, men gløymde det sjølvsagd. Så då legg eg det ut her i staden:

If scientists are right about global warming, then acting to slow climate change is acting responsibly. If they are wrong, then we will have reduced air pollution, protected human health, reduced dependence on foreign oil, made the U.S. economy less vulnerable to oil shocks, and become a world wide leader in new energy technologies. What are we waiting for?

Fredd Krupp, president of Environmental Defense (Miller 2007)

Advertisements


Likestilling
september 23, 2010, 12:12
Filed under: Resten | Stikkord: ,

I høve Lysbakken sitt forslag om å utvide pappapermisjonen, og kvinnepanelet sitt forslag om å tredele, er det mange debattar i kommentarfelta. Dette er den beste kommentaren eg har lest hittil i dag:

Jeg synes jeg ser for meg mannen min stelle barn og hus og jeg på jobb. Det ville vært meget dyrt for oss, vi ville i såfall hatt hushjelp eller «ryddehjelp» i vårt hjem om ikke jeg skulle slite meg ut om kveldene. Lørdager, søndager , helligdager og ferier har i alle år vært slitsomme for meg p g a rotet hans. Også bleieskift og babystell da. Han er verdens snilleste mann, veldig snill og omsorgfull med barna, men der stopper det. Han passer best i sin jobb. Dette er gudskjelov ikke aktuelt lenger, familien er stor nok, men jeg føler at noe blir trukket nedover hodet på oss nordmenn nå. Det neste blir vel at fedre skal føde.

Det er jo fantastisk! Kva tidsepoke kjem ho frå?



Cap & trade
september 20, 2010, 15:51
Filed under: Resten | Stikkord: , ,

Kan ein løyse klimautfordringane innan det kapitalistiske systemet? Det lurer eg ofte på.

Her nokon andre som lurer på noko liknande: Cap & trade. Historia om karbonhandel – ei «løysing» for å få ned CO2-nivået i atmosfæren som allereie er i bruk. Moro.

Eg likar Story of stuff-sida. Om du går inn dit og ikkje har sett den før, sjå gjerne vidoen om flaskevatn òg. Den er verdt det.



Langsiktig tenking
september 20, 2010, 13:41
Filed under: Jobb | Stikkord: , ,

Eg har berre langsiktige oppgåver på jobb. Slike eg skal gjere når eg ikkje har noko anna å gjere. Slike eg kan ta på sikt og innimellom. No har eg berre slike. Det er ikkje så lett. Det kjennes ganske likt som å skrive masteroppgåve når det framleis er over eit halvt år til innlevering, bortsett frå at eg kan slutte å tenkje klokka fire. Eg må innrømme at effektiviteten ikkje er på topp.

Langsiktiglangsiktiglangsiktig.

No tok eg eit bilete av min fine pult. Om denne pcen hadde hatt blåtann skulle eg vist det fram. Det kan eg ikkje.



Overnattingsbesøk
september 15, 2010, 09:48
Filed under: Resten | Stikkord:

I dag tidlig, litt før ringeklokka, våkna eg og kjende eg ikkje kunne flytte beinet til venstre. Katten hadde nylig lagt seg i armkroken min, så det kunne ikkje vere han. Etterkvart som eg vart meir medviten la eg merke til at det var ein annan katt som låg på sida mi. Nabokatten låg i senga!

Dette var jo eit sjokk for oss. Frøkna gjekk ut i gangen og fann ut ho ikkje hadde låst døra i går, etter å ha vore ute og gitt nemnte nabokatt litt mat i gangen. Når døra ikkje er låst er det berre å dytte på den for å kome seg inn. Det gjorde altså herr nabokatt.

Heldig for oss at det ikkje var andre enn han som kom inn i natt! Han er jo ein relativt triveleg fyr. Trur likevel ikkje me gløymer å låse den døra igjen.



Økonomi
september 14, 2010, 22:57
Filed under: Resten | Stikkord: ,

I Noreg er utdanningssystemet gratis. Stort sett i alle fall. Om det framleis skal vere slik vert diskutert i Aftenposten i dag.

– Det er skikkelig urettferdig at vi må betale for utdannelsen vår, mens andre studenter får den gratis, sier BI-student Kari Øye Nilsen (23), som studerer siviløkonomi.

Vel, har ho tenkt på at ho går på ein privatskule?

Ja. Det ser ut som dei har tenkt på det. Planen til rektoren på BI er slik for å finansiere skulane:

Private og statlige skoler gis samme støtteordninger fra staten. I tillegg må skolene bidra med egne midler, som de tar inn gjennom å satse på videre- og etterutdanning.

Det skal altså ikkje vere eit skilje mellom privat og offentleg, og alle studentar i Noreg skal betale 30.000 kroner i året for å studere. Kva er greia med det? Dei meiner at det uansett er folk som har pengar som tek utdanning. Så då kan dei like gjerne fjerne høve til å studere for dei som ikkje har pengane.

Og tilbake til BI. Treng ein alle desse økonomane? Det er mange utdanningsmoglegheiter innan økonomi gratis i Noreg i dag. NHH, universiteta, fleire høgskular. Treng me fleire økonomar enn dei? Kan ikkje alle desse menneska med interesse for tal bli naturvitarar eller ingeniørar?

Privatskule er eit tilleggstilbod. Det er godt mogleg me treng fleire studieplassar i Noreg i dag. Er svaret å tvinge alle til å betale for studieplassen sin?



IT
september 14, 2010, 15:21
Filed under: Jobb | Stikkord: ,

PCen min på universitetet har visst bestemt seg for å ikkje like meg. Slitsom dag. Så irriterande. Eg likar å vere skuld sjølv i at eg er ueffektiv, ikkje fordi eg må vente på eit IT-system og ein IT-tilsett. Sjølv om dei er snille og hyggelege.

Eg vil fikse det sjølv!

(Eg er òg redd for at eg i forsøket på å fikse ting sjølv, sjølv om eg ikkje kan gjere noko som helst, har klart å slette alle bokmerker o.l. på firefox. Dette får eg ikkje stadfesta før eg får opna firefox igjen, så eg fryktar det verste og håpar på det beste.)

(Oppdatert: Alt var der framleis. Puh!)