Tankeveven


Bildeling
mai 3, 2011, 14:52
Filed under: Luft | Stikkord: , ,

Kanskje me skal endre kampanjestrategi?


Advertisements


Bussdagbok
mai 3, 2011, 11:57
Filed under: Luft, Resten | Stikkord: , ,

I ein og ein halv månad budde eg og frøkna hos hennar foreldre, altfor langt utanfor sentrum og altfor langt frå jobbane våre. I denne perioda tok me buss. Interessert som eg er i god kollektivtransport og god luft byrja eg med ei bussdagbok over bussturane våre, og når dei var forsinka og slikt. Diverre ga eg opp etter kvart, då opphaldet vart lengre der ute enn planlagd,  og motivasjonen forsvann etter kvart. Eg vil likevel oppsummere kva eg lærte av opphaldet og bussturane;)

  1. Kollektivtransporten i Bergen må bli betre: meir effektiv og meir påliteleg.
  2. Eg skal aldri bu så langt frå jobben min (ein time kvar veg når alt var i rute).
  3. GPS-tavler med ankomsttid er særs viktig. Ein dag kom me på tida, litt før, men etter å ha venta 15 min innsåg me at bussen hadde gått, og måtte så vente 15 min til på neste buss. Hadde me visst at den hadde gått då me kom til busstoppet kunne me anten gått inn og venta, eller byrja å gå. Begge deler hadde gjort turen meir behageleg.
  4. Ikkje ta buss i staden for bybane frå Nesttun, det er ein dårleg idé.
  5. Det MÅ bli kollektivfelt på motorvegane, så ekspressbussane kjem seg fram (og det må bli fleire ekspressbussar). Kven gidd ta bussen når alle som køyrer i bilen sin ser at bussen står i same køa og kjem like sakte fram?
  6. Internett på bybanen er gøy.
  7. Så vidt eg ser i skyss-bussrutene er dei faste tidspunkta tatt vekk. Der det før var utheva tidspunkt som viste at bussen var der til det tidspunktet. Er det tilfelle? Det er i såfall ein særs dårleg idé. Bussar må ikkje gå for tidleg.
  8. Bybanen er eit framskritt – då den ikkje står i kø og går så ofte at det ikkje gjer noko om bussen du tek dit er forsinka. Andre vegen er det verre, og bussen burde kanskje vente på den banen som den i ruta er sett opp som å korrespondere med.

Stem Byluftlisten inn i fylkestinget (og kommunestyret) for betre buss ;)



Bergen by
februar 9, 2011, 10:21
Filed under: Luft, Miljø | Stikkord: , , ,

«Bergen skal gå fra adskilte sovebyer til lokalsamfunn med egen identitet.»

Endeleg skjer det litt i Bergen. Forhåpentlegvis i alle fall. Eg skjønar ikkje korleis planlegginga av denne byen har gått føre seg? Alle må køyre og borna må busse – sjølv i folketette og barnefulle område må dei busse til skulen. Det burde vere eit utgangspunkt for utbygging av nye byggefelt at born flest skal gå og sykle til skulen, i alle fall på barneskulen.

Dei voksne derimot må køyre, sidan bussane brukar dobbelt så lang tid til byen, og ein har jo ikkje tid til å kaste vekk livet sitt på buss når ein har alternativ. Det skjer jo dessutan ingenting i bydelane – sidan bustadar, arbeidsplassar, butikkar og kulturtilbod er plassert langt frå kvarandre, i staden for å blande ulike aktivitetar og lage aktive bydelar og nærmiljø.

Eg håpar på reformering av Bergen som by. For det er jo så fint her.



Flytting
februar 2, 2011, 11:07
Filed under: Jobb, Luft

Me har flytta ut, men ikkje inn. Skal teste ut forstadslivet ein månad før me skal bli superurbane. Relativt urbane i alle fall. Det vert kjekt. Håpar katten likar parken han skal springe rundt i. Sjølv om den er full av born og hundar.

No sit eg på jobb og vil ete eple, men det bråkar sånn, så det er litt vanskeleg. Eg må nok jobbe litt i staden.

Kom seint på jobb i dag – eg skjønar alt for godt at folk tek bil i staden for buss. Får satse på at Byluftlisten gjer det stort i september. Lik dei på facebook i dag!



Nytenking
desember 6, 2010, 14:48
Filed under: Luft | Stikkord: ,

– Nå må vi prøve å tenke litt langsiktig. Seier konsitituert informasjonsdirektør i Bergen kommune, Elisabeth Farstad, til BA.

BA sa forresten òg:
I dag klokken 1200 hadde kommunen et krisemøte. Konklusjonen er at de må innkalle samarbeidspartnerne sine til et nytt krisemøte i morgen.

Eg trur kommunen har det frykteleg kjekt på krisemøta sine, sidan dei stadig bestemmer seg for å ha nye.



Bergen på riks-tv
desember 2, 2010, 23:14
Filed under: Luft | Stikkord: , ,

Bergen på kveldsnytt:

– Nei, kjem ikkje på tale å stenge Årstad skule sjølv om folk vert oppfordra til å ikkje opphalde seg i området.
– Nei, me kan ikkje innføre nokre tiltak, i alle fall ikkje datokøyring, får det går utover den enkelte sin bruk av bilen.

Omtrent det var det ho sa. Jammen godt dei vert framstilt i dårleg lys på NRK så resten av landet ser det òg.



Tatt på senga 2
desember 2, 2010, 11:16
Filed under: Luft, Miljø | Stikkord: , ,

I dag er kommunen sjokkerte igjen. Korleis det er mogleg skjønar ikkje eg. Og ja, datokøyring er eit tiltak ein vil unngå, det rammar vilkårleg og er ikkje noko kjekt. Likevel – dei testa ut alt anna i fjor, ingenting anna fungerte. Sidan det har dei ikkje innført nokon langsiktige tiltak som kunne ha betra situasjonen og gjort slik at dei unngjekk datokøyring i år. Så kvifor skal dei berre vente, og ikkje våge å gjere det einaste tiltaket som fungerer på kort sikt?

I to dagar no har det lyst raudt på forureingsmålingane. Det skal det visstnok ikkje gjere meir enn 18 timar i løpet av eit år. Bergen er allereie langt i minus etter i fjor.

I går gjekk eg og frøkna frå Danmarksplass til Haukeland, og oppdaga at me bur på ingen måte der det er verst. Då gjekk me gjennom ei skodde av dårleg luft, og klea våre lukta sterkt av bål og trafikk då me kom heim. Korleis kan politikarane vere overraska to dagar på rad?

Det er òg fascinerande at eit av krisetiltak er at BKK skal skru av oljefyrane rundt Danmarksplass, og at borettslag må klare seg med elektrisk kraft, samtidig som dei for å spare straum tek straumen frå andre, som då må fyre med oljefyr. Vil ikkje seie at Møhlenpris er så veldig stor avstand frå Danmarksplass.

Oppdatert: Etter møtet i dag fann dei ut at det var best å gjere ingenting, for det kjem kanskje vind, og var berre 1,5 dagar igjen til helg. Kva gjer vel nokre dagar frå eller til med farlige tilstandar?

Pengar er altså viktigare enn livskvalitet, som vanleg hos Bergen byråd.