Tankeveven


Klage på støy og bråk
mai 12, 2011, 19:25
Filed under: Resten | Stikkord: ,

Buekorps er fint og flott. Dei marsjerer forbi, i takt stort sett, og så marsjerer dei kanskje tilbake igjen litt seinare. Eg skjønar ikkje heilt kvifor dei ikkje kan lære seg litt meir enn å marsjere alle dei som berre går der, dei kunne vel fått spele tromme, eller kanskje nokre andre instrument? Likevel – heilt fin aktivitet og fint innslag i Bergen by.

Inntil nylig trudde eg at buekorps mellom anna handla om disiplin, og å lære seg disiplin. Etter å ha spelt fleire gongar med eit buekorps, og budd i Sandviken saman med nokre fleire buekorps har eg lært at det i alle fall ikkje er tilfelle. Dei må bråke kvar einaste gong dei ikkje gjer noko organisert.

No har det stått tre gutar i over 40 min rett nedanfor huset mitt og spelt omtrent utan stopp. Bråk, bråk, bråk. Kan eg melde dei til politiet?

Advertisements


Bussdagbok
mai 3, 2011, 11:57
Filed under: Luft, Resten | Stikkord: , ,

I ein og ein halv månad budde eg og frøkna hos hennar foreldre, altfor langt utanfor sentrum og altfor langt frå jobbane våre. I denne perioda tok me buss. Interessert som eg er i god kollektivtransport og god luft byrja eg med ei bussdagbok over bussturane våre, og når dei var forsinka og slikt. Diverre ga eg opp etter kvart, då opphaldet vart lengre der ute enn planlagd,  og motivasjonen forsvann etter kvart. Eg vil likevel oppsummere kva eg lærte av opphaldet og bussturane;)

  1. Kollektivtransporten i Bergen må bli betre: meir effektiv og meir påliteleg.
  2. Eg skal aldri bu så langt frå jobben min (ein time kvar veg når alt var i rute).
  3. GPS-tavler med ankomsttid er særs viktig. Ein dag kom me på tida, litt før, men etter å ha venta 15 min innsåg me at bussen hadde gått, og måtte så vente 15 min til på neste buss. Hadde me visst at den hadde gått då me kom til busstoppet kunne me anten gått inn og venta, eller byrja å gå. Begge deler hadde gjort turen meir behageleg.
  4. Ikkje ta buss i staden for bybane frå Nesttun, det er ein dårleg idé.
  5. Det MÅ bli kollektivfelt på motorvegane, så ekspressbussane kjem seg fram (og det må bli fleire ekspressbussar). Kven gidd ta bussen når alle som køyrer i bilen sin ser at bussen står i same køa og kjem like sakte fram?
  6. Internett på bybanen er gøy.
  7. Så vidt eg ser i skyss-bussrutene er dei faste tidspunkta tatt vekk. Der det før var utheva tidspunkt som viste at bussen var der til det tidspunktet. Er det tilfelle? Det er i såfall ein særs dårleg idé. Bussar må ikkje gå for tidleg.
  8. Bybanen er eit framskritt – då den ikkje står i kø og går så ofte at det ikkje gjer noko om bussen du tek dit er forsinka. Andre vegen er det verre, og bussen burde kanskje vente på den banen som den i ruta er sett opp som å korrespondere med.

Stem Byluftlisten inn i fylkestinget (og kommunestyret) for betre buss ;)



Bursdagshelg
mai 3, 2011, 11:16
Filed under: Resten | Stikkord: , , , ,

I helga hadde eg bursdag og feira tre dagar
til ende. Det var kjekt. Helga var fylt med
venar, kjærast, sol, god mat, fancy alkohol,
konsert, fine presangar og Bergensbanen i nydeleg vêr. Eg er glad.

Det er så fint når det er vår, når menneska våknar igjen.



Parantes
februar 13, 2011, 11:30
Filed under: Resten | Stikkord: ,

Denne var slem, synes eg.



Jul på Sunnmøre
desember 25, 2010, 15:47
Filed under: Resten | Stikkord: , ,

Jul på Sunnmøre bada i snø og sol er omtrent det beste som går an. I år er det siste gong på ei god stund sannsynlegvis, så det må nytast til det fulle. Eg og bror kom bittelille julaftan, og det var rett i trekket. Det var lenge sidan sist. I dag var det tur igjen, sjølv om eg ikkje var like sprek som bror og far, så var det absolutt kjekt. Minus 12 grader og stille, så vart det ein fin tur. Har ikkje bilete frå den, grunna manglande kamera. Har derimot nokre dårlege mobilbilete frå trekket, som eg skal vise fram her.

Meg i trekket

Bror i trekket



Vaksen
desember 15, 2010, 22:34
Filed under: Resten | Stikkord: ,

I dag har eg meldt ekte flytting til Bergen. Heilt på skikkeleg. Eg har òg bestilt skattekort, der eg måtte ta omsyn til slikt som at eg faktisk (forhåpentlegvis) kjem til å tene pengar neste år, og ha mykje gjeld, og ha gjeldsrenter, og det var ikkje måte på. Eg stakk òg ein tur innom lånekassa sine sider for å studere betalingsplanen min, når eg først var inne på minID.

Stort skilje frå å vere student til å vere arbeidstakar.

Ikkje skal eg heim til jul før neste veke heller!



Julestemning
desember 9, 2010, 22:52
Filed under: Mat, Resten | Stikkord: ,

Julestemninga er på veg. Me har pynta med dei tre julepyntane me har. I dag har me skålda mandlar og prøvd oss på å lage karamell (usikker på korleis det vert). I morgon skal eg på julebord med jobb (for første gong). Snart skal me lage og pynte pepperkaker me skal henge opp til pynt (og ete). Og lage marsipan av mandlane. Masse marsipan.

Hura for jul!