Tankeveven


Livet på sykkel
oktober 27, 2010, 00:05
Filed under: Resten | Stikkord: , , ,

København var fantastisk, og syklinga var fantastisk. Det er fint å kome tilbake til BIFF og leilighet og katt og venar, men ikkje til dårlege sykkel-Noreg og artiklar som denne i Aftenposten, om korleis Oslo prioriterer bilar framfor syklar. Kommentarane til artikkelen er dei vanlege provoserande kommentarane, der ingen av dei som kommenterer ein gong er einige om dei vil at syklistane skal sykle på fortauet eller i vegbana, og meiner at det er syklistane si eiga skuld at det er utrygt og at dei må slutte å skifte mellom fortau og vegbane – ikkje mangel på tilrettelegging. Fascinerande nok.

Jeg sier som så ofte før: Det er ikke syklister generelt som er problemet. Ei heller bilister generelt. Problemet er idioter generelt – og det er for mange av dem.

Det er ein kommentar eg kan seie meg einig i. Eg meiner òg at desse to kommentarane er med å vise kva som gjer at bilistar og syklistar tydelegvis ikkje forstår kvarandre:

Innlegg:
Jeg ser daglig syklister som stopper for rødt lys. Jeg selv stopper alltid for rødt lys, med unntak av noen enkelte steder hvor sensorene ikke virker for sykkel.
Det er ikke bygget sykkelveier i Norge. Det er bygget gang/sykkelstier. Disse er for gående og syklister, men ferdes det gående der skal man holde gangfart. Hvis man skal sykle raskere enn ca. 6km/t har man ikke annet valg en å sykle i veibanen hvis man skal følge trafikkreglene. I veibanen er det enkelte steder sykkelfelt som bilene ikke har lov å kjøre i. Hver eneste dag ser jeg biler som vrenger inn i sykkelfeltet og bruker dette til forbikjøring. Nesten daglig er det parkere biler i sykkelfeltet. Dette til tross for vegrafikkloven sier

«Andre kjørende enn syklende må ikke bruke sykkelveg eller sykkelfelt. Syklende må bare bruke sykkelfelt på høyre side av vegen. «

Svar:
Om det heter gang og sykkelvei eller sykkelvei, hva er forskjellen? Omtrent like stor som på hest eller gamp.

Det er også litt patetisk da du skriver at sykkelister kan ikke bruke disse da fartsgrensen er 6 km. Når i alle dager ble sykkelister opptatt av å holde trafikkregler da? Mitt inntrykk at sykkelister tror trafikkregler bare er for bilister og at de selv kan gjøre hva de vil.
Derfor mener jeg at bilister og sykkelister må behandles likt, og er det sykkelbane eller gang og sykkelbane da for å bruke dine navn må det bli påbudt for sykkelister å bruke disse, og at en sykkelist ikke bruker disse skal straffes på samme måte som en bilist som bruker gang og sykkelbanen i stedet for veien

Trur han siste her treng ei lita realitetsoppdatering når det gjeld høve til å bruke sykkel til transportmiddel. Eg føretrekk faktisk syklistar som utset seg sjølv for fare ved å sykle i vegbanen framfor syklistar som utset born og mjuke fotgjengarar i fare ved å sykle på fortau. For om ein må sykle i gåtempo er ikkje sykkel akkurat eit godt transportalternativ.

Eg er så lei av konflikta mellom dei ulike trafikantane, og lei av å vere totalt mindreverdig og sikta mot frå begge kantar når eg er syklist. Såg filmen Bogotá Change på BIFF, om Bogotá i Colombia som vart heilt endra i løpet av ni år med to ulike ordførarar. Dei bygde mange mange kilometer med sykkelvegar og fine fortau, og oppgraderte kollektivtransporten, fordi alle skulle vere og kjenne seg like mykje verdt, anten ein hadde bil, sykkel eller var til fots. Dit kunne gjerne norske politikarar tatt seg ein tur. Eventuelt berre til København.

Advertisements


Glede
oktober 22, 2010, 19:50
Filed under: Resten | Stikkord: , , ,

Når me reiser til København medan det er BIFF, og finn ut at det er filmfestival i Køben òg! I tillegg til at det er ein superkul by og me bur i ein leilighet midt i sentrum med to syklar tilgjengeleg og brukar alle pengane våre på god mat i butikkane fordi dei har så utruleg mykje godt og skal kjøpe med oss så mangt tilbake til gamle Noreg.

Og skal møte fleire gode venar og ei mor og ete god mat og sjå film og handle ting og oppleve og nyte byen i fleire dagar til.



Regn
august 31, 2010, 08:26
Filed under: Resten | Stikkord: ,

I dag sykla eg til jobb, i regnet. Mange andre sykla, mange gjekk. Det er ikkje like koseleg å sykle til jobb når det er regn. Alle ser ned. Og eg ser ned. Eg kunne ikkje sjå opp om eg ville ein gong, for regnet kom rett i augene mine, i tillegg til at nokon har stelt framskjermen på sykkelen min, så det kom enda meir regn i ansiktet mitt enn det elles hadde gjort.

Likevel veg det litt opp for at det er mindre koseleg at eg føler ein slags fellesskap med alle andre som er ute i regnet med regntøy (ikkje dei som har paraply, dei ser jo like fine ut som vanleg). Regntøy, som vert vått og må henge til tørk når me kjem fram, heilt til me skal ut i regnet og det vert vått igjen. Eg likar å sjå på dei andre som har regntøy. Kunne berre ønskje eg kunne sjå litt betre gjennom regnet.



Sommar!
juli 26, 2010, 19:18
Filed under: Resten | Stikkord: , ,

Endeleg er det sol og sommar.

Eg har:
– bada fire dagar på rad
– lært å stå på wakeboard
– ete masse grillmat
– fått bikiniskille
– sykla i sola
– ete litt for lite jordbær og is

Sommar er best.



Ferie
juli 23, 2010, 23:25
Filed under: Kva no?, Resten | Stikkord: , ,

Ferdig med Skins! Kva no? Me ser ekstramateriale for harde livet.

Heldigvis er det sol, og eg fekk endeleg bada i dag. Godt med sommar. Ikkje mykje av det på ferie i Lofoten/Vesterålen, sjølv om Frøken Lea faktisk bada to gongar. Eg vil ikkje seie eg er pingle, heller at ho er litt ekstrem.

Ferien var fin den, me koste oss med telt og sykling, og sykla ikkje så langt kvar dag. Me hevde gjennomsnittet ein dag då me sykla åtte mil (mot vanlegvis ca fire), grunna mangel på campingplassar og generelt flate stadar 150 meter frå hus som ikkje er myr i Vesterålen. Me endte opp ein stad med mykje mygg, men det var i alle fall ganske flatt og mjukt.

Vesterålen var koselegare enn Lofoten, det var litt flatare og litt mindre befolka. Midnattssola viste seg òg! Det gjorde den ikkje i Lofoten… Her er eit bilete av frøkna som klatrar i midnattsol på Uttakleiv:

Ikkje for det, Lofoten var bra og ganske så flatt på vegane det òg. Der møtte me dessutan fleire hyggelege folk, mellom anna to spanske syklistar og to tyske syklistar. Kjekt å sykle.

Spanjolane møtte me igjen i Bergen, då dei gjorde heile Noreg omtrent. Det er kjekt med sommar. Og no har me ståande invitasjon til Barcelona!

Det einaste som ikkje var kjekt med ferien var Sortland Camping – om du skal til Vesterålen kan du godt skippe heile Sortland, eigentleg. Me var der for å ta hurtigruta derfrå (som forøvrig var suuupergøy, me tok den til Bodø og mingla med dei rike godt voksne menneska frå alle land). Der sov me altså på det minst flate teltområdet eg har sett, og den dyraste campingen eg har sett.

Her er eit bilete av teltplassen:

Sjekk, det er jo ein bakke! Me var fascinert. I tillegg til at det var den dyraste campingen måtte ein òg betale for å dusje, og det var berre ei kokeplate som fungerte på kjøkkenet. Jeje. Me hadde no spart litt pengar på å sove ute i guds frie natur i alle fall ;)

(Do avoid Sortland Camping, there are so many nice campings in Lofoten and some in Vesterålen. So stay away, all english-speakers who turn up here.)

Hurra for sommar!



Ferje
juni 27, 2010, 21:33
Filed under: Resten | Stikkord: , , ,

Lenge sidan sist. Eg har vore på vakre Sunnmøre, kost meg mellom fjell og fjord. Gitt livet mitt til VØR og plassert resten i nokre kasser og posar.

I dag tok eg buss tilbake, på turen tek eg mange ferjer. Eg tenkte å presentere mitt ferjetriks:

Av dei som går ut av bilane og bussane og inn på ferja skal mange på do. Og alle stiller seg foran dei første doen dei ser. Ved å gå i ca 30 sekund til finn eg alltid ein do der det er ingen kø. Eller berre éin person. Då slepp eg å kaste vekk mykje tid i kø, tid eg kunne brukt på å lese. Det gjer eg berre på ferjene. Så eg føler meg like smart kvar gong eg går dei metrane ekstra.

På tysdag skal sommarferien halde fram. Eg, frøkna og syklane våre skal ta toget i eit døgn. Det vert kjekt!



Stille
mai 21, 2010, 12:34
Filed under: Resten | Stikkord: , ,

Når eg bur på Danmarksplass og elles oppheld meg  på Høyden, så er det aldri stille. Det hadde gjort seg med litt stille av og til. Om eg ikkje høyrte ein einaste bil til dømes.
Det hadde vore fint.

Eg gler meg til semesteret er over og oppgåva levert, då skal eg finne meg ein stad det er stille. Eg og Frøkna og syklane våre.
Det vert fint.